Астананың 20 жылдығына орай «Ел арна» телеарнасы байқау жариялады

28 наурыз күні Алматы қаласында Т.К.Жүргенов атындағы Қазақ ұлттық өнер академиясының ғимаратында «Ел Арна» телеарнасының өкілдері мен студенттер арасында кездесу өтті. Кездесу арнаның бір жылдық эфиріне арналды.

«Ел арна» директоры Арман Сеитмамыт пен шеф-редактор Камила Камназарова бір жыл бойы атқарылған жұмыстың нәтижесімен бөлісіп, алдағы жоспарлар мен байқаулар туралы жария етті. Режиссер Мұрат Бидосов қысқаметражды фильмдерді түсіруде ескеруге тиісті қағидалармен бөлісті.

Астананың 20 жылдығына орай «Ел арна» телеарнасы 2018 жылдың 31 наурызы мен 31 мамыры аралығында өтетін байқау жариялауда.  Байқау шарттарымен төменде көрсетілген сілтеме арқылы таныса аласыздар. Айта кетейік, жеңімпаз ретінде танылған қысқаметражды фильмдер мен өлеңмен жазылған шығармалар «Ел арна» арнасының эфирінен көрсетіледі.

 

БАЙҚАУ ШАРТТАРЫ - ЖҮКТЕУ