«Макбет. Иллюзия» қойылымы. «Сахна сыртындағы сыр»

Шындық пен елес, амбиция мен күш, кінә мен өкініш... Батыл әрі асыл адамның зұлымға айналуы оны құмарлықтың құлы етеді. Иллюзиялық сана дағдарысына ұшыраған Макбет ұрпақ сүю жолында соқыр үмітке сеніп, қолын қанға бояйды. Алайда бала сүйдіру – тек қана Жаратушының қалауымен болатын айрықша құбылыс екенін ұмытпаған абзал. Адамзатқа ортақ мәселені бір отбасының тағдырымен суреттеген ағылшын драматургі Уильям Шекспирдің кейіпкерлері алғаш рет қуыршақ бейнесінде тіл қатпақ. Бағдарламаға қатысушылар: 1. Шохан Құлназаров, актер (Макбет) 2. Арайлым Байырбекова, актриса (леди Макбет) 3. Дина Жұмабаева, қойылым режиссері 4. Ақжол Белғожаев, бутафор және қуыршақ жасау бөлімінің жетекшісі 5. Болат Аманқұлов, қуыршақ жасау шебері 6. Гүлім Көпбайқызы, Әкімшілік және ақпарат бөлімінің жетекшісі