Мәдениеті мен тарихы ортақ қырғыз және қазақ халықтарының мәдени байланысын нығайту – уақыт талабы. Осы күнге дейін ғылымда, өнерде, спортта, қоғамдық істерде көптеген жұмыстар атқарылып, өз нәтижесін беруде. Одан әрі екіжақты ынтымақтастық бағыттарының бірі ретінде біз «Қос қанат/ Кош канат» телекөпірін шығаруға тырысамыз. Екі халықтың өнері мен ауыз әдебиетін паш ету арқылы бауырлас екі халықтың берік достығын асқақтата түсеміз деп сенеміз. Екі елдің өнері екі студияда бір уақытта, әңгіме-дүкен мен сазды қойылымдар арқылы көрсетіледі.
Сонымен қатар кәсіби этнографтар әр халықтың ортақ мүддесі бар ұлттық ойындарын, ұқсас тағамдары мен ерекшеліктерін сипаттайды. Әрбір эпизод тақырыптық шеберлік сыныптарымен әрі музыкамен сүйемелденеді.
